"ӘЛМӘТ ШӘҺӘРЕНДӘ ГАСТРОЛЬЛӘР"

17-18 нче февраль көннәрендә Әлмәт шәһәрендә Камал театрының гастрольләре үтәр дип көтелә.
Бүген Әлмәт драма театрында Г.Камал исемендәге Татар дәүләт Академия театрының 17-18 февральдә үтәчәк Әлмәт гастрольләренә багышланган матбугат конференциясе үтте.

Матбугат чарасында Камал театры директоры Илфир Якупов, режиссер, драматург Илгиз Зәйниев, Россиянең атказанган, Татарстанның халык артисткасы Дания Нуруллина, М.Җәлил исемендәге дәүләт бүләге лауреаты Эмиль Талипов һәм Әлмәт театры директоры Фәридә Исмәгыйлева катнашты.