Мин – Казанның 18 нче «Галәм» гимназиясенең 8 нче сыйныф укучысы Хәсән Миндубаев. Бер ел элек 5-6 нчы сыйныфлар өчен «Галәм» фәнни клубын оештырдым. Клубка килүче балаларны мин үз канатым астына алдым. Хәзер клубта 12 укучы шөгыльләнә. Без атнага бер тапкыр җыелып, химия, биология, физика, экология буенча тәҗрибәләр ясыйбыз. Миңа медицина бик кызыклы. Киләчәктә Казан дәүләт медицина университетына керергә телим. Шуңа күрә химия, биологияне тирәнтен өйрәнәм, олимпиадаларга әзерләнәм.
