Кечкенәдән әти-әнием миңа һәрвакыт: «Кызым, баллыны күп ашама, юкса шикәр авыруы килеп чыгарга мөмкин», – дип әйтә килделәр. Күп ашамасам да, 16 яшемдә әлеге диагноз белән очраштым. Һәм шул вакыттан башлап диабет турында күп мәгълүматлар туплап, әлеге авыруны җентекләп өйрәнә башладым. Бу язмамнан үземдә шикәр авыруы барлыгын ничек белүемне, аның сәбәпләре һәм билгеләре турында белә алырсыз.
