Әле генә ямьле җәйне түземсезлек белән көтеп алган идек, инде елның соңгы ае да җиһанга аяк баскан! Тирә-юнь ап-ак карга күмелгән сихри мизгелне кем генә яратмый икән? Дусларың белән бергәләп сноуборд, чаңгы, тюбингларда рәхәтләнеп шуарга менә дигән мөмкинлек бит бу! Инде күпме еллар хыялда гына саклап йөргән сәяхәтне бүгеннән үк планлаштыра башларга тәкъдим итәм. Я, кышкы ял өчен Татарстанның иң текә урыннарын барлыйбызмы?
