26 август 2022 яңалыклары

Татарстан яңа уку елына багышланган «Рәхмәт, укытучы!» Бөтенроссия акциясенә кушылды. Искәртеп узарга кирәк, әлеге чара 17–31 август аралыгында Россиянең 79 төбәгендә узачак.

27-30 август көннәрендә Казан Глобаль яшьләр саммиты уза. Ул «Казан – Ислам хезмәттәшлеге оешмасының яшьләр башкаласы 2022» халыкара программасы кысаларында оештырыла. Саммитта 69 илдән 300 кеше катнашачак. Анда яшьләр миграциясе, эшкуарлык, яшьләрнең иминлеге һәм менталь сәламәтлеге, цифрлы трендлар һәм мөмкинлекләр тигезлеге кебек темаларга кагылачаклар.

Әгерҗе районында укытучыларның август киңәшмәсе уңаеннан «Тарих этаплары, вакыйгаларның тере альманахы» дип аталган күргәзмә әзерләнгән иде. Аны тәкъдим итүдә мөгаллимнәре белән бергә укучылар да катнашты.