КАЗАН ГЛОБАЛЬ ЯШЬЛӘР САММИТЫНДА 69 ИЛ ВӘКИЛЕ КАТНАШАЧАК

27-30 август көннәрендә Казан Глобаль яшьләр саммиты уза. Ул «Казан – Ислам хезмәттәшлеге оешмасының яшьләр башкаласы 2022» халыкара программасы кысаларында оештырыла. Саммитта 69 илдән 300 кеше катнашачак. Анда яшьләр миграциясе, эшкуарлык, яшьләрнең иминлеге һәм менталь сәламәтлеге, цифрлы трендлар һәм мөмкинлекләр тигезлеге кебек темаларга кагылачаклар.

Саммит белән бергә 26-30 август көннәрендә яшь дипломатларның V Глобаль форумы да уза. Ул бөтен дөньядан килгән яшь дипломатлар белән фикер алышу мәйданчыгы булачак. Катнашучылар хәзерге шартларда дипломатия трендлары, цифрлаштыру, мәгълүмати һәм киберкуркынычсызлык турында фикер алышачак.