«РӘХМӘТ, УКЫТУЧЫ!» АКЦИЯСЕНДӘ КАЗАН ДА КАТНАШТЫ: МӨГАЛЛИМНӘРГӘ 200 КӨНБАГЫШ ЧӘЧКӘСЕ БҮЛӘК ИТЕЛДЕ

Татарстан яңа уку елына багышланган «Рәхмәт, укытучы!» Бөтенроссия акциясенә кушылды. Искәртеп узарга кирәк, әлеге чара 17–31 август аралыгында Россиянең 79 төбәгендә узачак.

Бүген исә Казаныбыз да акция кысаларында мөгаллимнәрне тәбрикләде. «Чулпан» мәдәният үзәгендә балалар укытучыларга 200 көнбагыш чәчкәсе бүләк итте.

Чараны Россия балалар һәм яшьләр хәрәкәте оештыра. Аның вәкилләре педагогларның традицион август киңәшмәләрендә укытучыларны котлап открыткалар, чәчәкләр тапшыра һәм мөһим эш башкарганнары өчен рәхмәт белдерә.