26 гыйнвар 2022 яңалыклары

Г.Кариев театрында 2022 ел башында гаҗәеп премьералар тәкъдим ителә. Гыйнвар-февраль айларында тамашачыларны берничә шәп спектакль көтәчәк. Әле күптән түгел генә театр үзенең тәүге премьерасын – «Арыну» спектаклен куеп узды. 29-30 гыйнвар көннәрендә ул «Алтынч[ае]ч», ә 12-13 февральдә «Матур Сity» спектакльләре белән дә сөендерәчәк.

Apple компаниясе iPhone 13 Pro һәм 13 Pro Max хуҗаларына Shot on iPhone дип аталган бәйге игълан итүе турында хәбәр итә. Бәйге 17 февральгә кадәр барачак. Анда 18 яше тулган бөтен теләгән кулланучы да катнаша ала. Җиңүчеләр 2022 елның 12 апрелендә игълан ителәчәк.

Казанда 16 мәктәптә авырулар саны арту сәбәпле, 26 сыйныф карантинга озатылган. Бу хакта Мәгариф идарәсендә хәбәр иттеләр. Укучылар өчен карантин бер атна булачак һәм алар укытучылары кушкан биремнәрне эшләп торачак. Һәр мәктәптә, авырулар саныннан чыгып, сыйныфларны карантинга ябу турында аерым карар кабул ителә.