«НИНА И ХЛЕБНЫЕ КАРТОЧКИ»: ЙӨРӘККӘ ҮТЕП КЕРЕРЛЕК СПЕКТАКЛЬ ТУРЫНДА УЙЛАНУЛАРЫМ

Казан яшь тамашачылар театрында күрсәтелгән «Нина и хлебные карточки» спектаклен караганнан соң, күңелемдә озак вакыт җылы һәм шул ук вакытта моңсу хисләр сакланды. Режиссер Радион Букаев һәм инсценировка авторы Ләйсән Фәизова Кир Булычевның хикәясеннән чын мәгънәсендә йөрәккә үтеп керерлек, онытылмас бер тамаша тудыра алганнар.

Үткәннәргә шалтырату...

Бер шалтыратудан Вадимның тормышы үзгәрә, ул яшәеш мәгънәсен аңлый сыман. Спектакльне караганда, үземне аның белән бергә итеп хис иттем. Әйтерсең лә, мин дә шушы тылсымлы шалтырату аша сугыш чорына сәяхәт кылдым, Нинаның авыр язмышын үз күзем белән күрдем. Павел Густов Вадим ролен бик оста башкарды. Аның уены мине чын-чынлап ышандырды.

Нина – батырлык һәм өмет символы

Гүзәл Вәлишинаның Нина образы аеруча күңелемә кереп калды. Күп авырлыкларга карамастан, ул өметен югалтмый, якыннарын кадерли, батырлык күрсәтә. Минемчә, Нина ул – безнең әби-бабаларыбызны берләштерелгән образ, алар сугыш чорында барлык фаҗигаләрне да күтәргән, әмма рухлары сынмаган буын.

Икмәк карточкалары – язмыш билгесе

Спектакльнең исеме үк бик символик. Икмәк карточкалары – сугыш чорының бер атрибуты гына түгел, ә авырлык, югалту, әмма шул ук вакытта яшәүгә омтылыш билгесе.

Милли хәтер һәм яшь буын

Минем уйлавымча, бу спектакльне һәркем карарга тиеш. Аеруча яшь буын. Без әби-бабаларыбызның нинди юллар узганын, нәрсәләр кичергәнен белергә тиеш. «Нина и хлебные карточки» – нәкъ менә шул хакта сөйли дә.

Фото: Сиринә Зарипова