«РЕАКТОР» АРТ-РЕЗИДЕНЦИЯСЕ ҮЗЕНЕҢ 5 ЕЛЛЫГЫН БӘЙРӘМ ИТӘ!

25 нче сентябрь көнне яңартыла торган Химиклар мәдәният йортында ябык пресс-бранч булып узды.

Әлеге чарада Кадрия Бугрова киләчәк планнар һәм креатив индустрияләр фестивале турында мәгълүмат белән таныштырып китте: «Биш ел эчендә «Шәһәр-РЕАКТОР» идеяләр реакторы булды, Казанның спорт башкаласы гына түгел, ә илнең креатив башкаласы да була алуын исбатлады. Бу фестиваль яңа мәгънәләр формалаштыра, талантларга ярдәм итә һәм шәһәрне экспериментлар өчен җанлы киңлеккә әйләндерә».

«Шәһәр – РЕАКТОР» креатив индустрияләр фестивале 27-28 сентябрьдә Б. Рамеев исемендәге ИТ-паркта узачак. Фестивальгә килүчеләр ачык сөйләшүләрдә, мастер-классларда, төрле өлкә осталары белән очрашуда катнаша һәм «Станция мир» фестивалендә бии дә алачак! Шулай ук  резидентларның товарларын сатып алу мөмкинлеге дә булачак. 

«Шәһәр – РЕАКТОР» фестивалендә катнашучыларга түбәндәге чаралар тәкъдим ителә:

• төрле юнәлешләрдә танылган спикерлардан белем бирү программасы;
• «Этажи впечатлений» дигән арт-резиденциясенең 5 еллыгына багышланган күргәзмә;
• татарларның декоратив-гамәли сәнгать лабораториясе;
• традицион татар техникасын өйрәнү буенча мастер-класслар ( Казан җөе,тамбур җөе һ.б);
• лаборатория уздыру турында документаль фильм;
• интерактив уеннар;
• «Станция Мир» музыкаль шоу.

«Шәһәр-РЕАКТОР» вакыйга гына түгел, ә Татарстанның киләчәген формалаштыра торган мәдәни хәрәкәт.