MARVELдан ЯҢА РАШТУА СЕРИАЛЫ: НИНДИ ҺӘМ НӘРСӘ ТУРЫНДА?

Marvelның «Соколиный глаз» / «Hawkeye» дип аталган өр-яңа мини-сериалы дөнья күрде. Әлеге сериал «Железный человек 3» / «Iron Man 3» фильмыннан соң Раштуа турындагы беренче проект булып санала.

Сериалның эчтәлеге Нью-Йоркта Раштуа алдыннан булган вакыйгалар турында сөйли. Клинт Бартон шәһәргә килә һәм шунда үзенең партнёры белән очраша. Аларга бергәләшеп явызлыкларны җиңәргә туры киләчәк. Хәзерге вакытта сериалның беренче ике сериясе генә чыкты. Marvel дөньясын яратучылар яңа маҗараның бик уңышлы һәм кызыклы төшерелүен билгеләп үтә.

Сериалның продюсеры Тринх Трэн исә Клинт Бартонны уйнаучы Джереми Реннер турында да әйтеп уза. Аның фикеренчә, бу персонажны аңлаучы һәм аның халәтен дөрес итеп күрсәтүче бердәнбер кеше – Джереми.