БЛОГЕРЛАР ҖЫЕЛГАН ҖИРДӘ: «ЯЛКЫН»ДА КУНАКТА – БАШКОРТ БЛОГЕРЛАРЫ

Бүген «Ялкын» үз студиясендә олы кунаклар – татар һәм башкорт блогерларын җыйды. Алар арасында иң беренчеләрдән булып татар блогларын башлаучылар – Татар Малай ( Ринат Галиахметов)  һәм Кызык-мызык (Илназ Габидуллин), татарлар турында күңелле, тормышчан видеолар төшерүче Ильнар Идрисов, күпләр яратып караучы башкорт хуҗабикәсе Миләүшә дә бар иде.

Әлеге кызыклы һәм рәхәт атмосферага эләгүләренә блогерлар бик шат булды. Алар бер-берсе белән танышып, үз блоглары турында бүлештеләр.

Хәзерге көндә алар күп кенә социаль челтәрләрдә зур уңышларга ирешәләр. Блогерлар үзләрен күп кенә платформаларда – Instagram, Вконтакте, TikTok, YouTubeта табып булулары хакында әйтеп, үз блогларының максатчан аудиторияләрен билгеләп үттеләр.