YUMMY MUSIC ЛЕЙБЛЫ «ФИТ ГОДА» ЯЗДЫРЫРГА ЧАКЫРА

Yummy Music инди-лейблы 10 еллык юбилее уңаеннан иң күп катнашучыларны җыйган композиция – «Фит года»га кушылырга чакыра. Җырны яздыру 18 июнь лейблның Милли китапханәдә урнашкан студиясендә оештырылачак.

Композицияне яздыруда теркәлгән һәркем катнаша ала. Инструментта уйнау, җырлау, нота белү, ритм тоемлау буенча таләпләр юк. Проектка профессионаллар һәм үзешчәннәр, олылар һәм балалар кушыла ала. Яздыру барышында лейблның резидентлары – экспертлар ярдәм итәчәк. Иртәдән кичкә кадәр студиянең ишекләре ачык була, һәр сәгать саен яңа катнашучы яздырылачак. Иң кызыгы: композициянең нинди буласын беркем дә алдан белми – ул яздыру барышында гына туачак. Нәтиҗәдә, оештыручылар язмаларны берләштереп, композицияне барлык музыкаль мәйданчыкларга чыгарачак.

Теркәлү өчен сылтама