XXVII «ӘДӘБИ МАРАФОН»ГА ГАРИЗАЛАР КАБУЛ ИТҮ БАШЛАНДЫ

XXVII Дөньякүләм «Әдәби марафон» проектына гаризалар кабул итү башланды. Марафонда катнашучылар 58 әдәби әйдаман арасыннан үз әйдаманнарын сайлый һәм алар «канаты астында» 21 көн эчендә Әдәби марафон проектында катнаша алачак.

Әлеге марафонның үзенчәлеге – әдәби марафончылар 1 апрельдән башлап үз язмаларын ВКонтакте социаль челтәрендә генә түгел, ә «Миллион татар» дип исемләнгән яңа милли проект сайтында да урнаштырып бара алачак. Платформа әлегә тест режимында эшли.