ХАЛЫК УЕННАРЫ, ТЕАТР ТАМАШАЛАРЫ ҺӘМ КОЙМАКЛЫ ЯРМИНКӘ: КАЗАНДА МАЙ ЧАБУ БӘЙРӘМЕ УЗА!

Ял көннәрендә Казанда Май чабу бәйрәмнәре узачак. Бәйрәм чаралары 16-17 мартта берничә мәйданчыкта оештырыла. Бу турыда Казан мэриясе сайты язып чыкты.

16 мартта 10:00 сәгатьтә бәйрәм Карьер торак массивының «Туган Алан» скверында узачак. 11:00 сәгатьтә Дәрвишләр бистәсендәге Сәетгалиев исемендәге мәдәният йортына килергә мөмкин. Шулай ук 12:00 сәгатьтә Горки-Әмәт урманындагы сәхнә янында Май чабу бәйрәме оештырылачак.

Чаралар башка урыннарда да гөрләп үтәчәк. Әйтик, Май чабу бәйрәме 11:00 сәгатьтә Кадыш, Отар һәм Красная Горка торак массивларындагы мәдәният йортлары янына планлаштырылган. 12:00 сәгатьтә бәйрәм «Сәйдәш» мәдәният үзәгендә, Константиновка һәм Юдинодагы мәдәният йортлары янында башлана. 13:00 сәгатьтә күңел ачу программасы Мирный торак массивындагы мәдәният йорты янында үтәчәк.

Бәйрәм чаралары шулай ук 17 мартта Бауман урамында (12:00 сәгатьтә) һәм «Нәни принц» скверында (11:00 сәгатьтә) гөрләячәк. «Ак Барс Арена» стадионында исә ул көнне гаилә фестивале узачак. Мәйданчыкта иҗат коллективлары чыгышлары, халык уеннары, биюләр, аниматорлардан күңел ачулар, театр тамашалары, коймак һәм беленнәр белән ярминкә планлаштырылган.