URTIC ЭЛЕКТРОН ДУЭТЫ БЕРЕНЧЕ АЛЬБОМЫН ТӘКЪДИМ ИТӘ

28 гыйнвар Yummy Music лейблында URTIC электрон дуэтының совет чоры эстетикасы, аның мәдәнияте, Татарстанның архитектурасы белән илһамланган «Күчтәнәч» дип исемләнгән беренче альбомы дөнья күрәчәк.

28 гыйнвар көнне дуэт барлык музыка сөюче дусларны да Казанда Соль барында тере тавышка уйналачак концертта көтеп калачак. Альбомны тыңларга килүчеләр өчен ишекләр 20:00 сәгатьтә ачылачак. Керү бушлай, фейс-контроль аша гына узарга туры киләчәк.

5 февраль исә 19:00 сәгатьтә MOÑ театраль мәйданчыгында шулай ук альбомга кергән трекларны тере тавышка тыңлап булачак. Билет бәясе 300 сум, урыннар саны чикләнгән. Әлеге чарага килүчеләрне Надя Кимельярдан видеоарт һәм эксперименталь электрон музыка башкаручы Holofonote көтәчәк.