ТУКАЙНЫҢ ТУГАН КӨНЕ УҢАЕННАН УКУЧЫЛАР «МӘҢГЕЛЕК ШИГЪРИЯТ» БӘЙГЕСЕНДӘ КАТНАШЫРГА ЧАКЫРЫЛА

Камал театры каршында эшләп килүче «Шәрык клубы» «Мәңгелек шигърият» дип аталган бәйге башлап җибәрде. Бәйгедә мәктәп укучылары һәм иҗади гаиләләр катнаша ала. 

Катнашучылар 22 апрельгә кадәр бөек шагыйребез Габдулла Тукай шигырьләрен сәнгатьле итеп укып видеога төшерергә һәм sharyk@kamalteatr.ru электрон адресына җибәрергә тиеш. Нәтиҗәләр буенча берничә номинациядә 3 призлы урын билгеләнәчәк. 

Җиңүче дип табылган катнашучылар 27 апрель көнне 13:00дә «Шәрык клубы» сәхнәсендә чыгыш ясаячак.  Катнашучылар дипломнар белән бүләкләнәчәк.

Бәйге турында тулырак мәгълүмат белән биредә танышырга мөмкин.