ТИНЧУРИН ТЕАТРЫ БАЛАЛАР ҺӘМ ЯШҮСМЕРЛӘР ӨЧЕН КВЕСТЛАР ҮТКӘРӘ

К.Тинчурин театрында балалар һәм яшүсмерләр өчен квестлар уза. Кичә театрның 90 еллыгына багышланган «Әйдә, йөгердек» дип аталган квест-уен оештырылды. Театр артистлары 70 балага күңелле чара тәкъдим итте.

Квест-уен 6 яшьтән 14 яшькә кадәрге балаларга исәпләнгән. Балалар театр тематикасына төрле табышмакларны чишәргә тиеш. Уен театрнын төрле мәйданчыкларында үткәрелә.

Квест-уен һәр балага төрле амплуаларда булырга мөмкинлек бирә. Берникадәр вакыт эчендә бала сынауларны өзлексез уза, табышмаклар һәм ребуслар чишә, бу аның акыл сәләте үсешенә уңай йогынты ясый: фикерләү һәм хәтер үсешен, күзаллауны яхшырта, шәхси сыйфатларны, җиңүгә ихтыяр һәм мотивацияне арттыра.