ТАТАРСТАНДА КЫТАЙ ТЕЛЕННӘН БДИ САЙЛАУЧЫЛАР САНЫ АРТКАН

Татарстанда кытай теленнән БДИ сайлаучылар саны артты. Бу хакта ТР Мәгариф һәм фән министры Илсур Һадиуллин хәбәр итте.

«Алты чыгарылыш укучысы кытай теленнән БДИ бирә. Быел алар дүрт кешегә күбрәк. 2023 елда ике кеше генә кытай теле буенча имтихан тапшырды», – диде Мәгариф һәм фән министрлыгы башлыгы. Узган ел БДИда кытай теленнән уртача балл 56 булган.

Чит телләр буенча бердәм дәүләт имтиханы 7 һәм 8 июньдә үткәрелә. Язу өлеше 11 июньгә билгеләнгән.