ТАТАРСТАНГА КӨЧЛЕ БУРАННАР ЯКЫНЛАША

Гадәттән тыш хәлләр министрлыгы хезмәткәрләре Татарстанда һава торышы бозылачагы турында кисәтә. Республикага көчле бураннар һәм тизлеге 15 м/с җил якынлаша. 

16 мартта Татарстанда юеш кар, буран, көчле җил һәм юлларда бозлавык булыр дип көтелә. Төнлә һава температурасы -5 тирәсе булса, көндезләрен +4 тирәсе булачак. Гадәттән тыш хәлләр министрлыгы хезмәткәрләре зур реклама щитлары, агачлар яныннан үткәндә сак булырга һәм таймый торган аяк киеменнән йөрергә киңәш итә. 

Машина йөртүчеләргә юлда чакта машиналар арасында дистанцияне арттырырга һәм кискен туктаулардан сакланырга кирәк. 

Җәяүлеләргә киемнәренә яктылык кайтаргыч элементлар беркетергә киңәш ителә.