«СӘЛӘТЛЕ ҖӘЙ-2022» КАМПАНИЯСЕ БАШЛАНА

Бүгеннән «Сәләт» аланнарына гаризалар кабул ителә башлый. Быел 22 профильле алан планлаштырыла, алар меңләгән аудитория өчен яңа мөмкинлекләр күрсәтәчәк.

Шулай ук сәләтле яшьләргә быелгы җәйдә Кырымдагы «Ак Барс» базасы да үз ишекләрен ачачак. Бирегә күп кенә актив балаларның эләгү мөмкинлеге бар.  

Бүген тагын бер көтелгән вакыйга – VII «Сәмрух» республикакүләм ел премиясен тапшыру тантанасы узачак. Премиянең максаты – Сәләт хәрәкәтендә катнашучы сәләтле балаларны һәм талантлы яшьләрне бүләкләү. Быел анда барлыгы 10 номинация: «Ел сәлкеше», «Ел әйдаманы» , «Ел өлкән әйдаманы» һ.б. Шулай ук аңа өр-яңа номинация – «Ел проекты» да өстәлгән. Гаризаларга килгәндә, быел аларның саны 100дән артык булган.