«ШАЯН ТВ» «ТУКАЙ ОНЫКЛАРЫ» БӘЙГЕСЕН ИГЪЛАН ИТӘ

26 апрель - бөек шагыйребез Габдулла Тукайның тууына 137 ел. Шул уңайдан, «ШАЯН ТВ» бәйге оештыра. Синең телевидениегә эләгеп, барлык туганнар, дусларыңны шаккаттырасың киләме? Алайса, бу бәйге нәкъ синең өчен.

Кагыйдәләр гади:

– Шигырь сөйләгәнеңне видеога яздырып, исем, фамилия, ничә яшь икәнен язып, shayanbayge@mail.ru почтаcына җибәр;

– Әлеге постка репост яса;- «ШАЯН ТВ» каналының ВКонтакте төркеменә языл.

Яшь чикләүләре: 4-6, 7-9 яшь.

24 апрель һәр төркемнән 18 шәр иң яхшы шигырь сөйләүче балаларны алып, 24 апрельдән 28 апрельгә кадәр «ШАЯН ТВ» каналының ВКонтакте төркемендә онлайн тавыш бирү башлана. Иң күп тавыш җыйган катнашучылар «Тукай оныклары» тапшыруына чакырылачак.