«САФ ДУЛКЫН» РАДИОЖУРНАЛИСТИКА МӘКТӘБЕ ЯШҮСМЕРЛӘРНЕ ҖЫЯ

Казан федераль университетының Филология һәм мәдәниятара багланышлар институты һәм «САФ» балалар интернет-радиосы 10-15 яшьтәге яшүсмерләр өчен «САФ дулкын» радиожурналистика мәктәбен оешытра.

Программада шәхси бренд булдыру буенча дәресләр, аудиотекстлар язу, тавыш белән эшләү нигезләре, шулай ук радиожурналистлардан дәресләр каралган. Һәр укучыга таныклык бирелә, ә иң яхшы тапшыру проекты авторы радиода үз тапшыруын булдырачак, ди оештыручылар.
Биредә микрофоннан курыкмыйча фикерне төгәл итеп җиткерергә, дикцияне камилләштерергә, сөйләм кагыйдәләрен үзләштерергә теләүчеләрне көтеп калалар. Тулырак мәгълүматны 89375896762 телефоны аша алырга мөмкин.