«САБАНТУЙ СЫЛУЫ – 2024» БӘЙГЕСЕ СИНЕ КӨТӘ!

Татарстанда «Сабантуй сылуы – 2024» бәйгесенә гариза кампаниясе башланды. Анда 18 яшьтән алып кызлар катнаша ала.

Бәйге ике этапта уза: сайлап алу туры (12 июнь), финал (23 июнь). Сайлап алганнан соң бәйгедә катнашучыларны укытачаклар. Аларга иҗади номерлар булдыруда ярдәм итәчәкләр, дефиле һәм ораторлык осталыгына өйрәтәчәкләр, шулай ук алар өчен фотосессия да каралган.

Бәйгенең финалы Сабантуйны бәйрәм иткән көнне, 23 июньдә, Казанның Совет районы мәйданчыгында – Дәрвишләр торак массивының каенлыгында оештырылачак.

Бәйгегә кушылыр гариза бирергә кирәк. Анда катнашу бушлай, җиңүчеләрне кыйммәтле призлар көтә.