РӨСТӘМ МИҢНЕХАНОВ 12 ЯШЬЛЕК МАЛАЙНЫҢ ТЕЛӘГЕН ТОРМЫШКА АШЫРДЫ

Рөстәм Миңнеханов Иннополисны күрергә хыялланган 12 яшьлек Руслан Хәбибуллинның теләген тормышка ашырган. «Теләкләр чыршысы» акциясе кысаларында Чаллы укучысы Иннополиска экскурсиягә барырга теләгән булган.

Шулай итеп укучы Иннополистагы лицей, андагы уку аудиторияләре, кабинетлар, спорт залы, китапханә белән танышып чыккан. Моннан тыш, ул пилотсыз таксида йөргән һәм университетны да күрергә өлгергән. 

Фото ТР Президентының рәсми сайтыннан алынды