«ГЕРОЙЛАР ЯНӘШӘ» БӘЙГЕСЕНӘ 180НӘН АРТЫК ИҖАДИ ЭШ КИЛГӘН

«Геройлар янәшә» әдәби-патриотик бәйгесенә Россиянең 10 төбәгеннән 180нән артык әсәр тәкъдим ителгән. Алар арасында махсус хәрби операциядә катнашучылар язган эшләр дә бар. Бу хакта Татарстан Рәисе Рөстәм Миңнеханов Дәүләт Советына еллык юлламасында хәбәр итте.

Рөстәм Миңнеханов билгеләп үткәнчә, хәрбиләрнең батырлыгы һәм Ватанга тугрылыгы яшь буын өчен үрнәк булып тора.

Татарстан Рәисе шулай ук «Минем әтием – Герой» рәсем бәйгесен искә алды. Аның кысаларында балалар әтиләренә багышланган рәсемнәр ясап, аларны фронтка җибәрәләр.