«ОСКАР» ПРЕМИЯСЕНДӘ ТАМАШАЧЫЛАР ДА ТАВЫШ БИРӘ АЛАЧАК?

94нче «Оскар» премиясен тапшыру тантанасы алдыннан Америка киноакадемиясе тамашачылар номинациясен кертә. Аудиториянең тавыш бирү нәтиҗәләре буенча иң яхшы фильм сайланачак. Тамашачылар яраткан фильмнары өчен #OscarsFanFavorite хештегын кулланып, Twitterда көненә 20 тапкыр үз тавышын калдыра ала. Тавыш бирү 3 мартка кадәр дәвам итәчәк. Аннары премияне оештыручылар очраклы рәвештә тавыш бирүчеләр арасыннан өч кешене сайлап, аларга 2023 елгы тантанага Лос-Анджелеска баруны тәкъдим итәчәк.

Кулланучылар шулай ук 2021 елгы фильмнарның яраткан эпизодлары турында #OscarsCheerMoment хештегын кулланып сөйли алачаклар. Җиңүчеләрне тапшыру тантанасында күрсәтәчәкләр.