«МОЕ ПЕРО» ‒ «МИНЕМ КАЛӘМЕМ» ИҖАДИ БӘЙГЕСЕНӘ ГАРИЗАЛАР КАБУЛ ИТЕЛӘ

«Татнетны үстерү фонды» коммерцияле булмаган оешмасы һәм «Белем.ру» IT-компаниясе, «Белем радиосы» белән берлектә, балалар һәм яшүсмерләр арасында әдәби иҗатны популярлаштыру, рус һәм татар телләрендә әдәби әсәрләр язучы яшь авторларның әдәби эшчәнлеген стимуллаштыру максатыннан «Мое перо» ‒ «Минем каләмем» иҗади бәйгесен үткәрә.

Бәйге түбәндәге номинацияләр буенча уздырыла:

Рус телендә шигърият (8-12 яшь)

Рус телендә шигърият (13-18 яшь)

Татар телендә шигърият (8-12 яшь)

Татар телендә шигърият (13-18 яшь)

Рус телендә проза (8-12 яшь)

Рус телендә проза (13-18 яшь)

Татар телендә проза (8-12 яшь)

Татар телендә проза (13-18 яшь)

Үзегезне «Белем радиосы» эфирында ишетергә теләсәгез, 28 апрельгә кадәр анкета тутырып, тиешле кушымталарны беркетеп юлларга кирәк. 18 яше тулмаган бала өчен анкетаны аның ата-анасы/законлы вәкиле тутыра. Барлык катнашучыларга да исемле сертификатлар тапшырылачак, ә иң яхшы авторлар дипломнар белән бүләкләнәчәк һәм кунак сыйфатында «Белем радиосы» тапшыруларына чакырылачак. Һәр катнашучы бәйгенең электрон вариантта иҗади авторлык материаллары тупланган җыентыгын алачак. Бәйге нигезләмәсе белән монда танышырга мөмкин.