«КИНО + ТЕАТР» ПРОЕКТЫ КЫСАЛАРЫНДА «АВЫЛ ЭТЕ АКБАЙ» КҮРСӘТЕЛӘЧӘК

19 ноябрьдә «Кино + театр» проекты кысаларында «Мир» кинотеатрында режиссер Лилия Әхмәтованың «Авыл эте Акбай» спектакле күрсәтеләчәк.

Тамашадан соң халык артисты, Татарстан Республикасының атказанган сәнгать эшлеклесе, Г.Камал исемендәге Татар академия театры музее мөдире Луара Шакирҗанова белән иҗади очрашу узачак.

Туфан Миңнуллин әсәре буенча балалар өчен әкият 2013 елдан 2017 елга кадәр Камал театры репертуарында барган булган.