КАЗАНДА САБАНТУЙГА БҮЛӘК ҖЫЮ ҮТӘ

23 июньдә Казанда Сабантуйга бүләк җыю узачак. Бүләк җыю чарасында шәһәрнең үзәк урамнары буйлап җиде арба йөриячәк. Шәһәр халкы бүләкне теләсә кайсы урында тапшыра алачак.

Атлы арбалар дүрт төп маршрут буенча барачак. Башта алар Беренче май мәйданыннан Бауман урамы буенча Камал тетрына кадәр барачак. Биредә бүләкләрне Татарстан Рәисе Рөстәм Миңнеханов тапшырачак.

Икенче маршрут – Муса Җәлил исемендәге опера һәм балет театрыннан Пушкин урамына кадәр. Биредә бүләкләрне Татар конгрессы, ТР Дәүләт Советы һәм министрлыклар җыячак.

Өченче маршрут «Туган Авылым» комплексы янында башлана һәм Камал театрына кадәр үтәчәк. Ә иң соңгы арба Иске Татар бистәсеннән Каюм Насыйри буйлап театрга кадәр узачак.

Сабантуйга бүләк җыю якынча 12:30 сәгатьтә Камал театры янында тәмамланачак. Анда театр артистлары һәм җырчылар күңелле концерт куячак. Тапшырылган бүләкләр Сабантуйның иң яхшы батырларына биреләчәк.

Шулай ук, 24 июньдә, Сабантуй бәйрәме көнне, «Сабантуй йөзләре» акциясе оештырылачак. Аның кысаларында бәйрәмгә килгән кешеләр милли костюмнарда фотога төшә алачак. Аннары ул фотоларны махсус телеграм каналда табып булачак.