КАЗАНДА МАЙ ЧАБУГА КАРАЧКЫ-КУРЧАК ЯСАУ БУЕНЧА БӘЙГЕ СТАРТ АЛА

Казанда Май чабуга (Масленица) иң яхшы карачкы-курчак ясау буенча бәйге старт ала. Бәйгегә гаиләләрдән, эшчеләрдән, укучылар һәм студентлардан шәхси һәм күмәк гаризалар кабул ителә. Бу турыда Казан Мэриясе сайтында игълан ителде.

Курчак биеклеге 1 метрдан ким булмаска яки 2 метрдан артмаска, экологик материаллардан эшләнгән һәм тотрыклы булырга, озын колгалы яки махсус таянычлы булырга тиеш.

Катнашу өчен гаризаларны vpkult@mail.ru почтасына җибәрергә кирәк. Хат темасына «Масленица-2023» карачкы-курчак конкурсында катнашуга гариза» дип язу мәҗбүри. Бәйгедә катнашучылар үз эшләрен 26 февральдә 9:00 сәгатьтән 10:00 сәгатькә кадәр «Калейдоскоп» паркына китерергә тиеш. Алар Май чабу бәйрәме чарасында тәкъдим ителәчәк.