КАЗАНДА КУРЧАКЛАР КҮРГӘЗМӘСЕ ҮТӘ

22 гыйнварга кадәр Казанның «Эрмитаж-Казан» үзәгендә «Курчакларның алтын гасыры» дип аталган күргәзмә бара. Үзенчәлекле курчаклар музее XIX-ХХ гасыр коллекцияләрен тәкъдим итә. Кунаклар Мәскәү Уникаль курчаклар музееның 160тан артык гаҗәеп экспонатын күрә алачак.

Биредә фарфордан француз, алман, рус курчаклары, агач һәм тукымадан эшләнгән курчаклар, бәби курчаклар, хәтта башын селкетеп, өрә торган бульдог курчаклар белән танышырга була. Күргәзмәдә тәкъдим ителгән курчакларны уникаль дип атау кирәк. Чөнки алар дөньяда бик аз калган. Алар һәркайсы кабатланмас тарихка ия.