КАЗАНДА ИКЕНЧЕ «МКМ: ЯШЬЛӘР МӘДӘНИЯТ МЕНЕДЖМЕНТ» РЕСПУБЛИКА ФОРУМЫ БАШЛАНА

Икенче «МКМ: Яшьләр Мәдәният Менеджмент» Республика форумы 2021 елның 21-24 декабрендә «Идел» яшьләр үзәгендә узачак. Форум мәдәният өлкәсендә ирекле үсешнең барлык юнәлешләрен дә берләштерәчәк, сәнгатькә битараф булмаган кешеләрнең үз-үзләрен күрсәтү мәйданчыгына әвереләчәк.

Форум барышында катнашучылар Татарстан Республикасында «Мәдәният волонтерлары» Бөтенроссия иҗтимагый хәрәкәтен үстерүгә юнәлдерелгән район бүлекләренең юл карталарын һәм социаль проектлар эшләячәкләр. Быел «МКМ: Яшьләр Мәдәният Менеджмент» форумы Россия мәдәният эшлеклеләрен һәм социаль проектлау, менеджмент һәм чараларны оештыру буенча федераль экспертларны бер мәйданчыкта җыячак дип көтелә.

Исегезгә төшерәбез, «МКМ: Яшьләр Мәдәният Менеджмент» халыкара форумы 2020 елда республиканың 20 районыннан 80 вәкил катнашында узган иде.