КАЗАН – «РОССИЯНЕҢ ИҢ ЯХШЫ ШӘҺӘРЕ» ИСЕМЕ ӨЧЕН ТАВЫШ БИРҮДӘ КАТНАША

Россиядә 2022 елда илнең иң кызыклы һәм танылган шәһәрен сайлау өчен тавыш бирү башланды. Бу бәйгедә Казан да катнаша. «Россия шәһәре – милли сайлау»да теләгән һәркем үз тавышын бөтенроссия проекты сайтында калдыра ала.

Соңгы мәгълүматларга караганда, Казан 63 тавыш җыйган, тик бу бик аз сан. Казан лидерларның беренче унлыгына керми. Башлангыч нәтиҗәләр буенча, беренче өч урынны Владивосток (31 839 тавыш), Нальчик (23 147) һәм Севастополь (22 439) алып тора.