КАЗАН ГЛОБАЛЬ ЯШЬЛӘР САММИТЫНА ВОЛОНТЕРЛАР ЧАКЫРЫЛА

27-30 августта узачак Казан Глобаль яшьләр саммитына волонтерлар чакырыла. Анда 18 яшьтән 35 яшькә кадәр булган 65 волонтер таләп ителә. Аларга бушлай туклану һәм кирәк-яраклар бирү каралган.

Волонтерларга инглиз телен белү шарт. Ә француз һәм гарәп телен белү өстенлек булачак. Катнашырга теләүчеләр 18 августка кадәр сайтта теркәлә ала.

Исегезгә төшерәбез, Казан Глобаль яшьләр саммитында 300ләп кеше катнашачак. Саммит «Казан – ИХОның Яшьләр башкаласы 2022» халыкара программасы кысаларында уздырыла. Саммитта дискуссияләр, интерактив семинарлар, яшьләр мохитенең киләчәк үсешен фаразлау сессияләре, шулай ук мәдәни программа планлаштырылган.