КАЗАН АВТОБУСЛАРЫНДА ИКЕ ТЕЛЛЕ АУДИОГИД БУЛАЧАК

Казан җәмәгать транспортында шәһәр тарихы турында сөйләүче ике телдәге (рус һәм татарча) аудиогид әзерләнә. Хәзерге вакытта ул биш автобус өчен эшләнелә. Аудиогид сәфәрне күңелле һәм файдалы итәчәк, чөнки автобуста барган вакытта халык Казанның тарихи биналары, һәйкәлләре белән таныша, шулай ук урам исемнәре һәм танылган шәхесләр турында белә ала. Башкарма комитеты җитәкчесе урынбасары Гүзәл Сәгыйтова сүзләренчә, бу эшне башкарырга «Туган телләр поезды» илһамландырган.