КАНИКУЛЛАР ҺӘМ ЧЫГАРЫЛЫШ КИЧӘЛӘРЕ КАЙЧАН БАШЛАНА?

Татарстан Мәгариф һәм фән министрлыгы мәктәпләргә 1, 9 һәм 11 сыйныф укучылары өчен соңгы уку көне итеп 24 майны билгеләргә тәкъдим итте. Шул ук көнне чыгарылыш сыйныф укучылары өчен соңгы кыңгырау да чыңлаячак. Ә җәйге каникулларга килгәндә, алар беренче сыйныф укучылары өчен 25 майдан, ә 9 һәм 11 сыйныф укучылары өчен имтиханнардан соң башланачак. Калган укучылар 31 майга кадәр укыячаклар. Ә инде чыгарылыш кичәләре исә Татарстанда 24 июньнән дә иртәрәк узмаячак.