ИНСТАСАМКА АЛАБУГАДА НИШЛӘП ЙӨРИ?

Яшүсмерләр арасында зур популярлыкка ия булган рэперша һәм тиктокерша Дарья Зотеева (Инстасамка) Алабугага «Алабуга Политех» көллиятенә пиар ролик төшерү өчен килгән. Уку йортында аның ярдәме белән яшьләрне җәлеп итәрбез, дип өметләнәләр.

Көллитянең бурычы – урта һәм башлангыч һөнәри белем дәрәҗәсе белгечләрен әзерләү буенча иң эре үзәк булдыру. Шуңа күрә дә көллияткә бөтен илдән дә яшь аудиторияне җәлеп итәр өчен барлык инструментлар да кулланыла икән.