ИКЪТИСАД МИНИСТРЛЫГЫ БӘЙГЕ УЗДЫРА

ТР Икътисад министрлыгы социаль әһәмиятле проектларны гамәлгә ашыручы коммерцияле булмаган оешмалар өчен субсидияләр рәвешендә грантлар бирү бәйгесе башлану турында игълан итте.

Бәйге ике юнәлештә уза: гражданлык җәмгыяте институтларын һәм гражданлык инициативаларын үстерү (6 номинация) һәм гражданнарның тормыш сыйфатын яхшырту өчен  шартлар тудыру (6 номинация).

Бәйгедә катнашырга теләгәннәр гаризаларны электрон форматта «Грант конкурсы» дип аталган автоматлаштырылган мәгълүмат системасы аша грантытатарстана.рф адресына (https://грантытатарстана.рф) 2021 елның 30 сентябренә кадәр җибәрә ала.

Бәйгенең шартлары белән тулырак ТР Икътисад министрлыгы сайтында танышырга мөмкин: https://mert.tatarstan.ru/konkurs-sonko-na-pravo-polucheniya-subsidii-iz.htm