GOOGLEдан ЯҢА АКЫЛЛЫ СӘГАТЬ

Google компаниясе 2022 елда Rohan дип аталган беренче акыллы сәгатен чыгарырга планлаштыра. Ул бик күркәм төзелешле, түгәрәк дисплейлы, әмма физик панельсез булачак, дип билгеләп үтә компания әгъзалары.

Калган акыллы сәгатьләрдәге кебек үк, Rohanда йөрәк ритмы датчигы булачак, һәм сәгать көндәлек зарядка таләп итәчәк. Әлеге җайланмалар кулланучының физик активлыгы һәм сәламәтлеге торышын күзәтеп тора алачак. Шулай ук Rohan сәгатьләре кыйммәт бәяләнергә һәм Apple Watchның конкуренты булырга да мөмкин дип фаразлана. Яңа сәгатьләр 2022 елның язында сатуга чыгар дип көтелә.