БӨТЕНДӨНЬЯ ТАТАР КОНГРЕССЫНЫҢ VIII СЪЕЗДЫ: КАЙДА?КАЙЧАН?НИЧӘ КАТНАШУЧЫ?

Казанда 30 июльдән 3 августка кадәр Бөтендөнья татар конгрессының VIII съезды узачак. Съезд быел Бөтендөнья татар конгрессының 30 еллыгына туры килә. Анда барысы 1,5 мең кунак катнашачак, алар арасында чит илләрдән килүчеләр дә күп. Съезд кысаларындагы төп чаралар белән Татарстан Премьер-министры урынбасары, БТКның «Милли шура» советы рәисе Васил Шәйхрәзиев таныштырды. Шулай итеп, 30 июльдә съездта катнашучылар «Печән базары» фестивален күреп, 31 июльдә Изге Болгар буенча экскурсиягә барачак. Ә 1 августта исә «Казан Экспо» халыкара күргәзмә үзәгендә Бөтендөнья татар конгрессының «Милли Шура» утырышы планлаштырылган.