«АУЛАК ӨЙ – КӨРӘШ» ФИНАЛЫ АРЧАДА ПЕДАГОГИКА КӨЛЛИЯТЕНДӘ УЗАЧАК

«Аулак өй – көрәш» төбәкара проекты әдәби ярышының укучылар арасында финал этабы Арчаның Габдулла Тукай исемендәге педагогика көллиятендә узачак. Зона этабында финалга чыккан төркемнәрне 28- 29 февраль һәм 1 март көннәрендә ике номинациядә бәяләячәкләр. Бу елгы көрәшнең темасы – «Җәлил һәм җәлилчеләр».

Әлеге әдәби проект халкыбызның милли мирасын баету, гореф-гадәтләрен, йолаларын өйрәнү, аларга яшь буынны җәлеп итү максаты белән менә инде 2021 елдан бирле оештырылып килә. Финалда җиңүчеләргә «Сәләт» җәйге аланнарына юлламалар бүләк ителәчәк дип хәбәр итә оештыручылар.