АЧЫК ИШЕКЛӘР КӨНЕ: КАЗАН ЯШҮСМЕРЛӘРЕ КЫЗЫКСЫНУЛАР БУЕНЧА 55 КЛУБКА ЯЗЫЛА АЛА

10 сентябрьдә Казан яшьләр клубларында бердәм Ачык ишекләр көне уза. Яшүсмерләр үзләре теләгән түгәрәкләргә һәм секцияләргә языла алачак. Ачык ишекләр көнендә «Подросток» челтәренең 55 учреждениесе тәкъдим ителәчәк, алар 50 дән артык юнәлеш буенча дәресләр тәкъдим итәчәк дип хәбәр итә Казан мэриясе сайты.

 «Подросток» берләшмәсенә Казанның 66 яшьләр клубы керә. Алар балалар, яшүсмерләр һәм яшьләр өчен кирәкле юнәлешләр буенча ял итү эшчәнлеген алып бара. Ачык ишекләр көне 10:00 сәгатьтә башлана. Клубларның адресларын сылтама буенча карарга мөмкин.

14 яшьтән 35 яшькә кадәрге казанлылар өчен түгәрәкләргә һәм секцияләргә язылу бушлай башкарыла.

Бүгенге көндә Казанда 50гә якын яшүсмерләр клубы яңартылган: алар барысы да популяр киңлекләргә әверелгән, анда балаларга да, яшь әти-әниләргә дә урын бар. Соңгы елларда яшьләр клубларында яңа юнәлешләр үсеш ала: видеоблогинг, кыяга менү, тавыш режиссурасы, чүлмәкчелек эше, робототехника, күн эше, балта осталыгы эше, киностудияләр.