ЯШЬЛӘР КӨНЕ – КҮҢЕЛЛЕ ЧАРАЛАР ҺӘМ NILETTO ЧЫГЫШЫ

26 июньдә Росмолодежь Яшьләр көне уңаеннан илдә мәгариф, карьера һәм ял итү фестивальләре уздыра. Бу көнне Казанның «УРАМ» эстрим-паркында да күп кенә күңел ачу чаралары оештырылачак.

Программада – «Урам классикасы» Бөтенроссия фестивале. Аның кысаларында белем бирү мәйданчыклары, бию баттллары, шигъри слэм, стенд-ап комиклар чыгышы, стрит-арт фестивале, интерактив мәйданчыклар булачак. Шулай ук фестивальгә Niletto, Клава Кока һәм  тагын берничә популяр җырчының килүе көтелә. Чараларда катнашу бушлай, тик катнашу өчен алдан  деньмолодежи2022.рф. сайтында теркәлергә кирәк.