ЮЛ МЕНДӘРЕ ЯСЫЙБЫЗМЫ?

Җәй – маҗаралар галәме. Сәяхәтләр, кунаклар, «Cәләт» аланнары... Бу туктамас вакыйгалар эчендә йокыны да онытмагыз. Җәй өчен иң мөһиме – мендәр. Шуңа да бүген юл мендәре ясыйбыз.

юл мендәре 1

Башта эзерләнәбез: кайчы, ясалма мех, мамык материал, синтепон, инә-җеп, ясалма күзләр, кәгазь, карандаш, акбур, циркуль кирәк булачак. Тегү машинасы да эшкә ярап куяр.

юл мендәре 1

Ак кәгазьдә өлге ясыйбыз. Циркуль белән үлчәп, ике түгәрәк сызабыз, диаметрлары – 15 һәм 35 см.булачак. Бер почмагын тоташтырмый калдырабыз. Мендәрнең бер очы да очлы булырга тиеш, анда борын булачак.

юл мендәре 3

Әзер өлгене кулланып, мамык тукымадан ике деталь кисәбез. Аларны бер-берсенә кушып типчергә кирәк. Онытмагыз, детальләрнең йөзе аста кала.

юл мендәре 4

Буеннан-буена типчеп чыкмагыз, койрык буласы урында 10 см. араны текми калдырыгыз. Тегү машинасында типчелгән урыннарны тегегез.

юл мендәре 5

Очлы борын ясар өчен ясалма мехтан һәр ягы 9 см.киңлегендәге өчпочмак кисеп алыгыз. Койрык өчен 15-15-8 см. озынлыгында тукыма әзерләгез. Колаклар исә 7-7-5 см. булачак.

юл мендәре 6

Борынны конус формасында тегеп куябыз һәм мендәрнең очлы ягына беркетәбез.

юл мендәре 7

Колакларның артына исә мамык тукыма тегәбез, борыннан 15-20 см. өскәрәк беркетәбез.

юл мендәре 8

Мендәр эченә синтепон тутырабыз. Койрыкны урынына тегеп куябыз!

юл мендәре 9

Күзләрне ябыштырабыз.

юл мендәре 10

Менә юл мендәре әзер дә! Хәерле сәяхәтләр сезгә, «Ялкын»лы дуслар!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла

Блоглар