ЮГАЛГАН БЕЛӘЗЕК (2 ӨЛЕШ)

Ләйлә ике кулы белән йөзен каплап чыгып китте. Дилә белән аның юлы бүтән кисешмәде. Дилә, төннәрен Ләйлә турында уйласа да, беләзеген якынрак күреп, бар дусларыннан да шикләнде. Әмма «булышырга» теләп килгән Сәрияне ул кире бормады. Аларның соңгы арада якын дусларга әйләнүе күп кешене таң калдырды. Диләнең әнисе дә эчтән генә: «Хәерлегә булсын!» - дип куйды. Сәрия бер атна эчендә Диләне үз ягына авыштырып ук бетерде. Беләзек турында сүз чыккач, әйтәсе сүзен өеннән ятлап килеп, түкми-чәчми Диләгә сөйләде:


- Бер көнне Ләйләне күрдем әле. Синең чәчәкле беләзегеңне киеп, иптәшләре янында мактанып утыра. Әллә әбиең биргән бүләкне аңа бирдеңме?


Диләне яшен суккандай булды. Сәриянең әйткән сүзләрен кабат-кабат исенә төшереп, аңларга тырышты. Ләйләнең әлеге мыскылын ул кичерә алмады. Берсендә, аннан үч алырга теләп, мәктәп каршына барлык иптәшләрен җыйды. Янына Ләйләне дәшеп, Сәрия белән мыскыллап көлү иде теләкләре. Ләйлә эшнең нидә икәненә аңышмыйча, Дилә каршына килеп басты. «Сүзеңне әйт», янәсе. Дилә аны баштанаяк күзәтеп чыккач, барлык иптәшләре каршында Ләйләнең бөтен серен чиште. Дуслары Ләйләдән көлеп туктагач, өстәп куйды:


- Беләзекне урламаган булсаң, сөйләмәгән дә булыр идем.


- Гаепсезгә яла якмагыз. Аны мин урламадым.


- Каршы эндәшкән була тагы, – дип сүзгә кушылды Сәрия.


Ул көнне авыл яшьләре Ләйләдән йөз чөереп кайтып киттеләр.


Ә киләсе көнне Ләйләнең үле гәүдәсен таптылар...


Дәвамы бар.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1357
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1164
    0
    6
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    746
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019