"ЮБИЛЕЙ. 75 ЯШЬ!"

Татарстанның халык артисты ГАЛИУЛЛИН ӘНӘС СӘГЫЙДУЛЛА улына- 75 яшь!

12 февраль көнне кич 18.00 сәгатьтә Кәрим Тинчурин исемендәге Татар дәүләт драма һәм комедия театрында Татарстанның халык артисты ГАЛИУЛЛИН ӘНӘС СӘГЫЙДУЛЛА улына 75 яшь тулу уңаеннан К.Тинчурин әсәре буенча куелган “Сакла, шартламасын!” бенефис- спектакле була. Николай Александрович ролен юбиляр үзе башкарачак.

Татарстанның халык артисты Әнәс Галиуллин Татарстанның Әлки районы Чуваш Кичүе авылында 1940 елның 14 декабрендә дөньяга килә. Театрда хезмәт юлын 1962 елдан башлап җибәрә.

Театрдагы 50 елдан артык иҗат гомерендә берсеннән – берсе истә кала торган образлар тудырды. Ул образлар һәрберсе тамашачыга якын.

Ә.Галиуллинның тынгысыз хезмәте Татарстан Хөкүмәте тарафыннан да югары бәяләнде. Театр өлкәсендәге казанышлары өчен аңа “Татарстан Республикасының халык артисты” дигән дәрәҗәле исем бирелде.

Төп рольләре: Антонио –«Терезаның туган көне»- Г.Мдивани, Йолдыз- «Әниемнең чал чәчләре»- Ә.Мирзаһитов, Миша- «Тынгысыз йөрәк»- С.Алёшин, Кәрим- «Урман егете»- Т.Закиров, Леонидик- «Минем бичара Маратым»- А.Арбузов, Симеон- «Богауланган мәхәббәт»- Ю.О’Нил, Аяз- «Кайнана»- М.Шамыхалов, Фәрит- «Тол хатыннар көймәсе»- И.Грекова, Фәрит –«Синең җырың»- Г.Минский, Хәлил –«Нигез ташлары»- Т.Миңнуллин, Ахун –«Хуҗа Насретдин»- Н.Исәнбәт, Әсфән –«Игълан буенча өйләнү»- В.Константинов, Б.Рацер, Зыя –«Сандугачлар килгән безгә»- И.Юзеев, Сафуан- «Бер тамчы ярату»- Н.Гыйматдинова, Шәех морза- «Американ»- К.Тинчурин, Николай Александрович- «Сакла, шартламасын! »- К.Тинчурин, Саттар- «Гайфи бабай, өйлән давай! »- Г.Зәйнәшева, Кыйтфир- «Йосыф- Зөләйха»- Н.Хисамов, Саттар- «Сүнгән йолдызлар»- К.Тинчурин, Түрә-«Без барыбыз да кешеләр»- Э.М. Ремарк һ.б.

Юбилей кичәсендә артистны дуслары, якташлары һәм хезмәттәшләре тәбрик итәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    739
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    664
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    499
    0
    0

Блоглар