«ЯШЬ УРМАНЧЫЛАР» МӘКТӘБЕН АЧАБЫЗМЫ?»

Сезнең, дөньягызны онытып, ашыкмыйча урманда йөргәнегез бармы? Яисә берәр тапкыр булса да агач утыртканыгыз? Кечкенә генә орлыктан шытып чыккан үсентеләрнең акрынлап агачларга, агачларның зур урманга әверелүен күрү өчен, мөгаен, урман яны мәктәбенә, һичьюгы экологик түгәрәккә йөрү кирәктер.

Урманны дус иткән һәм һәрвакыт аңа ярдәмгә атлыгып торган укучыларыбыз күп икән безнең. Саба районында уздырылган мәктәп яны урманчылыгы слетында республиканың 30 районыннан килгән мәктәп яны урманчылыгы командалары катнашты.

Дендрарий – Сабада!

Иң элек укучыларны гаҗәеп урман аланына урнашкан Лесхоз бистәсенең табигате, Нургали Миңнеханов исемендәге дендрология бакчасы һәм урман музее белән таныштырдылар. Әлбәттә, бу чит илләрдәге дендрология бакчаларыннан калыша әле. Ә агачларның күплеге! 11 гектар мәйданда Европа, Азия, Африка илләреннән кайтартылган 350 төр үсемлек кенә бар. Барысы 25 мең куак үсә.

Урман музеенда исә Саба урманчылыгы тарихы белән тәфсилләп таныштырып кына калмадылар төрле җәнлекләр, үсемлекләр турында шактый кызыклы мәгълүмат та тупладык. Баш урманчы Нургали ага Миңнехановның 1954-1961 елларда Кызыл Йолдыз урман хуҗалыгында эшләгәндә йөрткән «Иж-49» мотоциклын исә егетләр сырып алды! Әйе, биредә һәрнәрсә кызыклы, һәр экспонатның тарихы бик тә үзенчәлекле.

Экологик сукмак

Алда яшь урманчыларны сынаулар көтә иде. Беренче ярышта Татарстан урманнары хакында инша яздылар. Икенче ярыш шарты буенча урман, табигатьнең серле һәм гаҗәеп мизгелләрен күзаллап картина иҗат итү, төрле сәнгать эшләнмәләре ясау аеруча отышлы булды. Урман хуҗалыгы министры Наил Мәһдиев тә, сокланып һәрбер иҗатчы янында аерым-аерым тукталып узды.

Өченче ярыш – «Экологик сукмак» конкурсында урман белгечлеге буенча белемнәрне шактый чарларга туры килде. Агачның диаметры, биеклеген үлчәү, үләннәр составын тикшерү, билгеле бер җирнең мәйданын исәпләү... Мамадыш районыннан килгән Олыяз мәктәбе укучылары Рунияр Ганиев, Динар Харисовлар, күр, барысын да белә! Сере бар: укытучылары Хатыйп абый Хәсәнов экологик түгәрәктә әллә ниләр өйрәтә! Булачак урманчылар нәкъ шундый түгәрәкләрдә үсә дә инде! Министр әйткәнчә, асфальтта үскән балалар урманга бармый шул инде. Күпьеллык тәҗрибә шуны күрсәтә: урман тирәсендә үсеп, әти-әнисенең урманны кайгыртып яшәвен күргән укучылар нәкъ менә урман хуҗалыгы факультетларын сайлый икән! Укучылар министрның үз итеп аралашып йөрүенә дә тәмам ияләштеләр. Өсләрендәге киемнәренә кадәр бер үк бит аларның, урманчылар икәнлеге әллә каян күренеп тора!

Урман белгечләре

Команда беренчелегендә Сабалар өстен чыкты. II урында Шәһәр яны урманчылыгы укучылары, өченчедә исә Тәтеш районының яшь урманчылары. Әлеге чарада катнашкан укучыларга Саба районы хакимияте башлыгы акчалата бүләк тә ясады.

Урман гектарларын арттыру өчен агач утырту, аларны саклау һәм хәтта гадәти генә күренгән кырмыска ояларына карата игътибарлы булу өчен дә һәркем үз өлешен кертергә мөмкин. Иң мөһиме – табигатьне тыңлый белергә өйрәник!

Нравится
Комментарии (0)
Осталось символов:
Шәп укыла
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    2266
    1
    29
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    2000
    0
    15
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1964
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1863
    2
    24
  • 13 октябрь 2019 - 16:16
    ТУГАННАР Хәрби хезмәтнең ярты срогын диярлек бер кисәтү-искәрмәсез үтәгән Айратны часть командиры үзенә чакырып алды. “Рядовой Галимов, менә сиңа чираттан тыш ялга приказ. Вакытында килеп җит”,- дип искәртте. Туган өенә кайтып килергә бик өметләнсә дә, егет бу мәсьәлә болай тиз генә чишелер дип көтмәгән иде. Әнә, хезмәткә аннан алда алынган иптәшләренең дә кайберсе әле ялга кайтмаган.
    1640
    1
    34

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    207
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    273
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019