YUMMY MUSIC ЛЕЙБЛЫ ЯҢА ҺӘМ ҮЗЕНЧӘЛЕКЛЕ КОМПОЗИЦИЯ ТӘКЪДИМ ИТӘ — «QARA LOGAN»

Әлеге композицияне Казанның электрон музыка остасы Lestr һәм Чаллының танылган рэп артисты Said Olur иҗат иткән. Трек — тизлекне, урам культурасын һәм, аеруча, Renault Logan автомобиленә булган мәхәббәтне чагылдырган әсәр.

«Qara Logan» — югары темплы, көчле энергетикага ия, драм-н-бейс стилендәге композиция. Ул төнге шәһәр урамнары буйлап машинада йөргәндә дә, спорт залына барганда да, бию мәйданында күңел ачканда да тыңлау өчен бик туры килә.

Композиция «Музыкаль лаборатория» иҗади проекты кысаларында яздырылган. Проект 10 оригиналь трек чыгару планлаштырыла. «Бу җәй — татар электрон музыкасы өчен аеруча җанлы һәм яңалыкларга бай булачак. Казанның талантлы электрон һәм инди артистлары хип-хоптан алып органик хауска кадәр төрле юнәлешләрдә яңа әсәрләр әзерлиләр», — дип билгеләп үтә проект командасы.