"XIV РЕСПУБЛИКАКҮЛӘМ РӨСТӘМ БИКМУЛЛИН ИСЕМЕНДӘГЕ ЯШЬЛӘР ҖЫР-ШИГЫРЬ «БикаФест» ФЕТИВАЛЕ"

XIV Республикакүләм Рөстәм Бикмуллин исемендәге яшьләр җыр-шигырь «БикаФест» фестивале Татарстан Республикасы Яшьләр эшләре һәм спорт министрлыгы, «Сәләт» Татарстан яшьләр җәмгыяти фонды, «Казанский завод синтетического каучука» ААҖ тарафыннан оештырыла.

Фаҗигале рәвештә дөньядан киткән, «Сәләт»нең кадерле һәм якын дусты Рөстәм Бикмуллинның исемен мәңгеләштерү теләге белән, сәләтлеләр 2001нче елдан Рөстәм Бикмуллинга багышланган, һәръел үткәрелүче республикакүләм сәләтле балалар һәм яшьләр иҗат фестивален оештырырга карар кылалар һәм аңа Рөстәм Бикмуллин исемен бирәләр (2013нче елдан «БикаФест» дип атала башлый).
Рөстәм Бикмуллин фестиваль-бәйгесенең төрле ел җиңүчеләре арасында, хәзер инде татар эстрадасының һәм шигъриять олимпының якты йолдызлары булып танылган, Асылъяр,Илназ Сафиуллин, Айдар Сөләйманов, Ләйсән Әсхәтова, Миләүшә Сафина кебек җырчылар, Гөлназ Гарипова, Йолдыз Миңнуллина, Лилия Гибадуллина, Ләйсән Фәтхетдинова, Алинә Бикмуллина, Рифат Сәләхов кебек шагыйрьләр бар.

Фестивальнең үткәрелү урыны һәм вакыты һәр елны оештыручылар тарафыннан билгеләнә. 2015нче елны «БикаФест» 14нче тапкыр узачак. Фестиваль ике этапта үтә:
1нче этап – катнашырга теләк белдергәннәрне сайлап алу, конкурс портфолио һәм соңгы ике елда иҗади бәйгеләрдә ирешкән нәтиҗәләр нигезендә булдырыла.

2нче этап – бәйгенең үзендә сайлап алу.

Беренче этаптан соң катнашучы сайлап алу турына чакырыла. Ул 24-нче октябрь көнне түбәндәге адрес буенча үтәчәк: Казан шәһәре, Островский урамы, 23, «Сәләт» йорты.

Ә инде 25-нче октябрь көнне «БикаФест» барлык җиңүчеләрен котлап гала-концерт уздырылачак.

«БикаФест» түбәндәге номинацияләр буенча үткәрелә:

-          иң оста автор-башкаручы;

-          иң оста коллектив-башкаручы;

-          татар халык җырларын иң оста башкаручы;

-          бард җырларын иң оста башкаручы (гитара белән җырлаучы автор-башкаручы);

-          үз әсәрен иң оста укучы (шигырь, проза, әдәби-музыкаль композиция);

-          автор әсәрен иң оста укучы (шигырь, проза, әдәби-музыкаль композиция).

Катнашучыларның теләк белдерүләре 2015-нче елның 16-нчы октяре 12:00 сәгатькә кадәр кабул ителә.

Фестивальнең оештыру коммитеты «Сәләт» Йортында урнашкан

(Казан шәһәре, Островский урамы, 23), телефон 8 (843) 292-16-05, эш вакыты 9:00-18:00, офис 15.

E-mail: BikaFest@gmail.com

ВКонтакте рәсми төркеме: vk.com/BikaFest

Тулырак мәгълүматны Сәләтнең рәсми сайтыннан белергә мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2491
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2325
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1972
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019